1869 চনত আইৰিচ কবি Kathleen O’Mearaই অন্য এক পৰিস্থিতিত লিখা ‘AND PEOPLE STAYED HOME’ কবিতাটিৰ অসমীয়ালৈ মুকলি ভাঙনিৰ এক প্ৰচেষ্টা ক’ৰোনা সংক্ৰমণৰ সময়ৰ পৰিপ্ৰেক্ষিতত

তেওঁলোক নিজৰ ঘৰতেই – -

ৰচনা ৩.৪.২০২০

(পুলক জ্যোতি শৰ্মা)

--- আৰু তেতিয়া তেওঁলোক নিজৰ নিজৰ ঘৰতেই সোমাই ৰ’ল

তেওঁলোকে পঢ়িবলৈ বুলি কিতাপ মেলি ল’লে

পৰিয়ালৰ ইজনে সিজনৰ কথালৈ কান দিলে

জিৰণিও ল’লে আৰু অলপ-অচৰপ বায়্যামো কৰিলে

ৰং-তুলিকা লৈ ছবিও আঁকিলে আৰু খেলিলেও

জী থকাৰ যেন নতুন প্ৰেৰণা বিচাৰি পালে

নীৰৱ নিজঞ্জাল সময়ত তেওঁলোক চিন্তাত মগন হ’ল

যেন নিৰলে নিজকে বুজিবলৈ, আত্মাৰ স্বৰধ্বনি শুনিবলৈ


আৰম্ভ হ’ল এক অন্তৰ্মুখী যাত্ৰা

কোনোৱে ধ্যানত কোনোৱে প্ৰাৰ্থনাত

কোনোৱে নৃত্য-গীতত

আৰু কোনোৱে নিজৰ ছাঁটোৰ সৈতেই একাত্ম হৈ

অন্তৰাত্মাৰ সন্ধানত ব্ৰতী হ’ল

হৃদয়ৰ অন্তঃস্থলত অনুভূত হ’ল সেই স্বৰধ্বনিৰ অনুৰণন

তাৰ প্ৰতিধ্বনিত তেওঁলোকৰ চিন্তাই সুঁতি সলালে

নতুন জীৱনবোধৰ উন্মেষ হ’ল

যত আঘাত যত বেদনাৰ উপশম হ’ল


অৱশেষত

জীৱন আকাশৰ অজ্ঞানতা অন্ধকাৰতা অৰ্থহীনতাৰ কলীয়া ডাৱৰ আঁতৰি গ’ল

পাষান হৃদয়ৰ পিয়লা কৰুণাৰে পূৰ্ণ হ’ল

মনবোৰ ফৰকাল হ’ল

আৰু পৃথিৱীৰ অসুখ নিৰাময় হ’ল


আৰু যেতিয়া বিপদৰ ঘনঘোৰ ছাঁয়া আঁতৰি গ’ল

বন্ধ দুৱাৰ খুলি তেওঁলোক ওলাই আহিল মুকলি আকাশৰ তললৈ

ইজনে সিজনক লগ পালে নতুন ৰূপত

মৃত্যুৱে কাঢ়ি নিয়া সকলৰ প্ৰতি এটুপি চকুলো টুকি

জীৱনক ন-ৰূপে বাখ্যা কৰিলে

জীৱনৰ নতুন দিগন্ত আঁকিলে

আৰু নতুন পথেৰে সেই দিগন্ত অভিমুখে খোজ দিলে

পৃথিৱী মুখৰ হ’ল

সুখময় মধুময় জীৱন সঙ্গীতেৰে


(প্ৰকাশ ‘আমাৰ অসম” ৬ এপ্ৰিল ২০২০)

--------------------------------------------

AND PEOPLE STAYED HOME

(Kathleen O’Meara (1869))

And people stayed home

And read books and listened

And rested and exercised

And made art and played

And learned new ways of being

And stopped

And listened deeper

Someone meditated

Someone prayed

Someone danced

Someone met their shadow

And people began to think differently

And people healed

And in the absence of people who lived

In ignorant ways,

Dangerous, meaningless and heartless,

Even the earth began to heal

And when the danger ended

And people found each other

Grieved for the dead people

And they made new choices

And dreamed of new visions

And created new ways of life

And healed the earth completely

Just as they were healed themselves


********